O CPI Plurilingüe Eusebio Lorenzo Baleirón de Dodro acolleu a visita dunha delegación docente de Turquía

21 Novembro 2026


O CPI Plurilingüe Eusebio Lorenzo Baleirón de Dodro recibiu esta semana a visita dun grupo de docentes procedentes de Turquía, no marco dun proxecto de intercambio e cooperación educativa.

Esta mobilidade desenvólvese ao abeiro do Programa Erasmus+ da Unión Europea, unha iniciativa destinada a fomentar a cooperación e a formación nos ámbitos da educación, a xuventude e o deporte. A estadía pertence á acción KA1 de observación profesional (Job Shadowing), que ten como obxectivo que o profesorado se desprace a centros estranxeiros para adquirir melloras metodolóxicas e perfeccionar o ensino de linguas estranxeiras.

Grazas a este programa, profesionais de diversas especialidades do centro Namık Kemal Ortaokulu, situado na cidade turca de Konya, puideron coñecer de preto o modelo educativo galego e as dinámicas de traballo do centro integrado dodrense. A delegación contou tamén coa presenza dun representante da Dirección Provincial de Educación Nacional de Turquía, o que subliña o carácter institucional do encontro.

Como parte da axenda cultural e institucional da visita, o grupo foi recibido oficialmente na Casa Consistorial polo alcalde de Dodro, Javier Castro. Durante o encontro, o rexedor deu a benvida á delegación, explicoulles as principais características xeográficas, históricas e sociais do municipio e puxo en valor o rico patrimonio natural e cultural da zona, convidándoos a gozar da hospitalidade da veciñanza.

Finalmente, desde a dirección e a comunidade educativa do CPI Plurilingüe Eusebio Lorenzo Baleirón queren trasladar o seu máis sincero agradecemento ao Concello de Dodro, ao IES Lamas de Abade e a Isabel Sóñora pola súa inestimable colaboración, apoio loxístico e implicación para garantir o éxito da estadía e a plena integración do profesorado visitante.

Outros artigos

Publicidade

Revista en papel

Opinión

“Retirada de Medallas ao Mérito no Traballo” – Antón Luaces

“Retirada de Medallas ao Mérito no Traballo” – Antón Luaces

Os galegos Pedro Barrié de la Maza, José Fariña Ferreño e José María González-Llanos figuran entre as sete persoas e unha entidade ás que o Ministerio de Traballo retirará as  Medallas ao Mérito no Traballo polos seus vínculos  ao golpe de estado fascista e...

“Objetividad de la visión en España”. José Fernández Lago

“Objetividad de la visión en España”. José Fernández Lago

En este período de ocho años del actual Gobierno, han tratado de resolverse muchas cuestiones. Algunas de ellas han llegado a buen término, al encontrar apoyo en la mayor parte del Parlamento. Otras, en cambio, no han hallado esa acogida, y fueron rechazadas. Cierto...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.