O Bar Gasset, a Casa Mar da Vila e A Taberna do Lelo gañan o certame Vai de Tapas de Noia 2026

21 Novembro 2026

O Bar Gasset acadou o primeiro posto no Vai de Tapas de Noia 2026 coa súa Tosta de ceviche de langostino con aguacate e mango. Casa Mar da Vila quedou en segundo lugar coa Vieira con crema de coco e limón, e a Taberna do Lelo obtivo o terceiro posto coa súa Tosta de berberecho de Noia e empanada de zamburiñas.

O Concello de Noia e Noia Histórica recuperaron o Vai de Tapas despois de varios anos. Do 6 ao 8 de novembro, quince bares e restaurantes ofreceron unha tapa elaborada para a ocasión a un prezo de tres euros. A ruta coincidiu coa XXVII Mostra de Curtas Vila de Noia, desembocando nunha fin de semana con actividade nas rúas, que contribuíu a encher os locais da vila.

A concelleira de Cultura, Chelo Martínez, fixo un balance positivo da fin de semana: “Deu gusto ver tanto movemento en Noia. Podías saír dunha proxección da Mostra e quedar despois a probar algunhas das tapas. Ambas actividades complementáronse moi ben e a xente respondeu”, destacou.

Entre as persoas que votaron sorteáronse catro bonos de 50 euros para gastar nos comercios de Noia Histórica. O concelleiro de Relacións Veciñais, Alfredo Blanco, agradeceu a implicación dos establecementos e a resposta do público: “Quince locais animáronse a preparar unha tapa propia e a xente sumouse á ruta e votou. Os bonos son unha maneira de agradecer esa participación e de facer que o Vai de Tapas teña continuidade nas tendas da vila”, explicou.

Outros artigos

Publicidade

Revista en papel

Opinión

“Objetividad de la visión en España”. José Fernández Lago

“Objetividad de la visión en España”. José Fernández Lago

En este período de ocho años del actual Gobierno, han tratado de resolverse muchas cuestiones. Algunas de ellas han llegado a buen término, al encontrar apoyo en la mayor parte del Parlamento. Otras, en cambio, no han hallado esa acogida, y fueron rechazadas. Cierto...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.