Máis de cincocentos estudantes de Primaria en diferentes centros educativos do municipio de Ribeira conmemoraron hoxe o Día de Rosalía cun espectáculo teatral ofrecido por Xarope Lulú.
Baixo o título Rilla Rilla, a función contou con dous pases no Auditorio municipal: ás 10.00 e ás 12.00 horas. Ao finalizar o espectáculo, reflexionouse sobre a figura de Rosalía, lendo en común o seu poema ‘Cantarte hei, Galicia’, de Cantares Gallegos, e rematando co ‘Parabéns para ti’ como celebración deste aniversario.
Cómpre lembrar que o Día de Rosalía conmemórase cada 24 de febreiro, data do seu nacemento en 1837. Este ano decidiuse adiantar esta actividade educativa ao cadrar co Entroido, un período non lectivo.
