Rianxo celebra o Día de Rosalía con actividades gastronómicas e poéticas os días 24 e 27

21 Febreiro 2020

Rianxo vai conmemorar o Día de Rosalía, o 24 de febreiro (data do nacemento da poeta galega en 1837), cun programa de actividades que xunta o gastronómico, o cultural e, por suposto, o literario. A cerna das actividades desenvolverase os días 24 e 27, cun Caldo de Gloria que se poderá degustar o luns 24 de febreiro, como tapa ou ración, en diferentes establecementos hostaleiros do termo municipal: Bar Abuín, Parrillada Ourense, O Costillar, Cafetería Braisa, Bar Atalaia, O Curral do Marqués, e a Cafetería Santa Columba. A vertente máis institucional reservarase para o día 27.

O programa do xoves está previsto que comece ás 9.45 horas, polas rúas de Rianxo, cun primeiro a acto de homenaxe á autora de Follas Novas: a actividade Lecer con Rosalía, que incluíra un reparto de versos da poeta polos locais hostaleiros de Rianxo (a cargo do alumnado do IES Félix Muriel). Un algo máis tarde, ás 10.30 horas, comezarán as celebracións na praza de Padrón, abrindo cun pregón da man da escritora rianxeira de adopción Helena Villar Janeiro, unha intervención do alcalde, Adolfo Muíños, e máis a colocación dunha coroa de loureiro no busto de Rosalía de Castro.

A xornada conmemorativa rematará cun recital poético e actuacións musicais arredor da autora de Cantares Gallegos, a cargo das alumnas e alumnos do IES Félix Muriel. Retomarase a degustación do Caldo de Gloria nos establecementos que citamos de seguido: Bar Abuín; Parrillada Ourense; O Costillar; Cafetaría Braisa; Bar Atalaia; O Curral do Marqués (fin de semana); e Cafetaría Santa Columba.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...