Gastronomía e cultura para conmemorar o Día de Rosalía de Castro na Pobra

19 Febreiro 2020

A Pobra do Caramiñal súmase aos actos de conmemoración con motivo do Día de Rosalía de Castro. Nesta ocasión, Arrancadeira foi a asociación do tecido social que organizou a programación xunto ao Concello. Así, os asistentes terán a oportunidade de achegarse á figura da nomeada intelectual nunha cita que mestura gastronomía e cultura sen esquecer o aspecto lúdico. Ao acto de presentación asistiron o alcalde Xosé Lois Piñeiro e a concelleira de Cultura, Patricia Lojo, acompañados de Antía López, Natalia Fernández, Carla Brión e Isabel García, todas elas integrantes de Arrancadeira.

O Cantón da Leña converterase o domingo 23 en epicentro de diversas actividades que se desenvolverán de 12.00 a 15.00 horas. Neste senso, convídase a veciñanza e visitantes a degustar o Caldo de Gloria, repartíndose de balde e empregándose a cociña portátil municipal para a súa elaboración. Esta iniciativa inspírase no poema Miña casiña, meu lar, onde a autora explica como facer un caldo humilde e no que se relata a épica diaria da supervivencia. Tamén haberá música e baile tradicional, participación de Argalleiros de Santiago, así como lectura de poemas, entre outros. No que respecta á xornada do luns 24, procederase cun acto institucional no que se efectuará a lectura dun manifesto e ofrenda floral na praza de Rosalía de Castro, a partir das 13.00 horas. A edil Patricia Lojo aproveitou a súa intervención para expresar o seu agradecemento á Fundación Rosalía pola cesión de diverso material divulgativo.

Pola súa parte, Antía López referiuse ás propostas do día 23 e fixo un chamamento para que residentes doutros concellos se acheguen para tomar parte da cita, pois sinalou que “queremos que a figura de Rosalía se difunda, non só entre os maiores, tamén entre os nenos.”

Finalmente, o mandatario local destacou a dimensión desta data e precisou que quixeron reforzar a homenaxe coa programación do domingo 23 para “conmemorar a figura e importancia desta escritora, a súa relevancia no feminismo e orgullo que significa para nós como galegos e galegas.”

Outros artigos

Atlántica trae á Pobra dous espectáculos de narración oral

O Festival Atlántica volve levar novas historias a diferentes puntos da xeografía galega e parte da portuguesa no verán deste 2024. Narración oral e paraxes fundiranse unha vez máis con numerosos espectáculos de narración oral. A Pobra do Caramiñal é unha das...

+

A Pobra recibe a bandeira azul para a praia da Lombiña-Cabío

A praia da Lombiña-Cabío é un dos areais recoñecidos coa bandeira azul pola Asociación de Educación Ambiental y del Consumidor (ADEAC) neste 2024. O acto de entrega das 140 bandeiras azuis que corresponden a Galicia -114 praias, 11 portos deportivos e 15 centros...

+

Publicidade

Revista en papel

Opinión

“Auditorio” – José Manuel Pena

“Auditorio” – José Manuel Pena

Xa é unha grata realidade, o novo auditorio. Ribeira, necesitaba un auditorio en condicións e adecuado ao seu número de habitantes e da importante poboación da propia comarca do Barbanza. Este pasado sábado chegouse a inaugurar oficialmente, coa presenza de diferentes...