A Garda Civil do Posto Principal de Boiro procedeu á detención dun home de 55 anos como presunto autor dun delito de roubo con violencia e intimidación en grao tentativa.
Os feitos sucederon na avenida da Constitución da mesma localidade, onde o individuo ameazou cun coitelo no pescozo a unha muller de 39 anos, coa intención de que lle facilitase o diñeiro que acababa de sacar do caixeiro. Así, produciuse un forcexo, fuxindo finalmente o home e sen que a vítima sufrise ningunha lesión.
As dilixencias foron remitidas ao Xulgado 3 de Ribeira.