Traballo coordinado para a promoción do Camiño de Santiago do Barbanza

16 Xaneiro 2020
Cedida por Mancomunidade de Municipios Arousa Norte

Membros da Asociación Amigos do Camiño de Santiago do Barbanza. A Orixe reuníronse na tarde de onte cos alcaldes e persoal técnico da Mancomunidade de Municipios Arousa Norte. A razón deste encontro radicaba en establecer unha coordinación e plan de traballo en relación ás accións previstas do Camiño de Santiago do Barbanza A Orixe 2020.

Desde a entidade supramunicipal apostan pola implicación dos colectivos asociativos da comarca coma principais actores que interveñen no territorio. Neste ocasión, a asociación encargarase de achegar os distintos percorridos que compoñen a referida ruta a través dunha exposición que xa estivo na Casa Consistorial de Ribeira, recalando actualmente na Casa da Cultura Raquel Fernández Soler da Pobra do Caramiñal e que, nos vindeiros meses, chegará aos concellos de Boiro, Rianxo, Dodro e Padrón debido ao carácter itinerante da mostra, a cal reflicte por medio de fotografías as evidencias históricas da ruta xacobea entre Corrubedo e Santiago.

Ademais, contémplase a realización dunha peregrinación por etapas, así como a sinalización completa do traxecto.

Tódalas accións previstas contarán coa promoción e difusión que se levará a cabo desde Arousa Norte coa finalidade de consolidar e promover este Camiño como unha ruta de peregrinación.

Outros artigos

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...