Despois do seu paso pola Casa Consistorial de Ribeira, a exposición itinerante As pegadas do Camiño de Santiago no Barbanza: A Orixe chega á Casa da Cultura Raquel Fernández Soler da Pobra do Caramiñal. Dita mostra reflicte por medio de fotografías as evidencias históricas da ruta xacobea entre Corrubedo e Santiago, percorrido que foi presentado en sociedade o 19 de decembro de 2019 en Compostela.
Organizada pola Asociación Amigos do Camiño de Santiago do Barbanza. A Orixe e comisariada por Antonio González Millán, inaugurarase no municipio pobrense o xoves 9, ás 20.00 horas, podendo visitarse ata o 31 de xaneiro.
A recuperación do camiño terrestre que transita polos municipios de Ribeira, A Pobra do Caramiñal, Boiro, Rianxo, Dodro, Padrón e desde Iria Flavia ata Santiago, é o resultado de dous anos de traballo coa fin de facer aflorar e poñer en valor as pegadas da tradición xacobea nas terras do Barbanza.