O vindeiro venres 16 de outubro, o Cine Elma da Poboa do Caramiñal acolle a proxección de Salvaxe, salvaxe, película incluída na programación contratada pola Deputación da Coruña dentro do seu compromiso co impulso da cultura e co acceso á actividade cultural nos concellos da provincia.
O filme reflexiona sobre a historia de exterminio e sometemento do lobo, cuestiona as imaxes simuladas do “salvaxe” e esvaece os límites entre o doméstico, o híbrido e o indómito. Con ton poético e de arquivo, documenta tanto os encontros reais como a ausencia do depredador nunha paisaxe rural en transformación.
