O Concello de Boiro organiza, un ano máis, o tradicional xantar dos maiores, o cal se celebrará o 14 de febreiro, ás 14.00 horas, no pavillón municipal de Barraña. O prazo de inscrición estenderase desde o 27 de xaneiro ao 7 de febreiro. Neste senso, abriranse dous procesos: un para os censados en Boiro e, coas vacantes, outro para a veciñanza doutros municipios. As persoas interesadas deberán dirixirse á Casa Consistorial para recoller a súa carta de pago e, unha vez efectuado o ingreso, recoller o tícket de entrada.
O catering está previsto para 800 comensais e constará de tres mariscos -ameixa, langostino e camarón-, rape, xarrete e sobremesa. O prezo do menú para os usuarios será de 20 euros por comensal.
Ademais da comida, os asistentes poderá desfrutar dunha tarde de música e baile, xa que este xantar de confraternidade ten como obxectivo que as persoas xubiladas de Boiro pasen unha xornada agradable en conxunto. Desde o Concello manifestan que esta celebración, a cal de realizaba habitualmente a finais de ano, se trasladou ao mes de febreiro para separalas das festas do Nadal.
