Concello de Boiro e Deputación da Coruña trazan liñas de traballo comúns en materia educativa

08 Xaneiro 2020

O alcalde de Boiro, José Ramón Romero, e a concelleira de Educación, María Outeiral, reuníronse esta mañá no Concello coa deputada provincial delegada das áreas de Xuventude e Educación, Sandra González, co obxectivo de trazar liñas de traballo comúns entre ambas Administracións en materia educativa, así como referir o estado do municipio boirense no que respecta a este eido.

A edil María Outeiral expúxolle á deputada os distintos proxectos que ata o de agora se están desenvolvendo entre o Concello e os centros educativos do termo municipal. Tamén aproveitou a ocasión para presentar aquelas outras iniciativas que desde a Concellería de Cultura se queren impulsar para a xuventude, especialmente para os adolescentes ao considerar que se trata da franxa de idade que dispón de menos propostas pensadas para eles.

Ademais, nesta primeira visita oficial a Boiro asistiron ao CEIP de Escarabote para falar co persoal da Dirección. A deputada Sandra González amosouse interesada en seguir percorrendo os centros de ensino de Boiro en futuras visitas para coñecer os diversos proxectos educativos e pensados para a mocidade.

Outros artigos

Publicidade

Revista en papel

Opinión

“El Estado soy yo”. Manuel Dominguez

“El Estado soy yo”. Manuel Dominguez

 Es una frase apócrifa que Luis XIV de Francia habría pronunciado el 13 de abril de 1655 ante el Parlamento de París, a los dieciséis años de edad No obstante, tal frase no consta en las actas de las reuniones del Parlement, por lo que se duda que tal anécdota...