20191015. A Biblioteca Municipal de Boiro volverá ser escenario dun novo faladoiro. Nesta ocasión, terá lugar o xoves 17, ás 18.00 horas. Dirixido a mocidade de 11 a 16 anos, realizaranse microdebates de temas actuais que os propios participantes poderán suxerir. Desta maneira, os asuntos a abordar variarán en función dos intereses do público asistente. Para acudir a esta cita é necesaria a inscrición previa, a cal se pode formalizar no teléfono de contacto 981848410.