20190926. O pleno ordinario do mes de setembro en Ribeira celebrarase o luns 30. Algúns dos asuntos que se tratarán, e dos que xa demos conta noutras noticias publicadas, son a construción dunha nova Biblioteca municipal pública (BNG); unha proposición relativa ao proxecto da depuradora de mexillón en Castiñeiras (Suma Ribeira); o saneamento do lugar de Canaveiro (PSdeG-PSOE); a elaboración dun estudo sobre as necesidades das persoas maiores que viven soas (PBBI); e a habilitación de aparcamento para os familiares dos usuarios do Centro de Día de Alzhéimer de Ribeira (PBBI).
Non obstante, outras das cuestións a abordar serán a aprobación provisional da modificación puntual da ordenanza 8.3 das normas urbanísticas do Plan Xeral de Ordenación Municipal (PXOM) de Ribeira; a proposición sobre o rexeitamento ao depósito de lodos nas inmediacións da illa de Sálvora ou outro lugar da ría de Arousa (Suma Ribeira); ou a proposición relativa ao acatamento da lexislación vixente de normalización lingüística para o Concello de Ribeira, inscribíndose con ‘b’ (PSdeG-PSOE), entre outros.