Veciños de Castiñeiras reuníronse co alcalde Manuel Ruiz pola depuradora de mexillón

23 Setembro 2019

20190923. A comezos do mes de setembro, un grupo de veciños da parroquia ribeirense de Castiñeiras foron recibidos pola tenente de alcalde, María Sampedro, co obxectivo de indagar sobre as cuestións relativas ao proxecto de instalación da depuradora de mexillón no peirao da localidade, así como trasladarlle as súas inquedanzas. En dito encontro, insistiron nunha reunión co alcalde Manuel Ruiz.

Finalmente, esta xuntanza produciuse a pasada semana. Unha comisión designada pola veciñanza manifestoulle ao rexedor a súa preocupación e descontento pola construción deste inmoble no porto de Castiñeiras. Segundo indicaron os asistentes, o alcalde escoitou os seus argumentos e ofreceuse a mediar ante o promotor da obra e ante Portos de Galicia co propósito de encontrar outro lugar “máis idóneo” para o emprazamento da citada depuradora. Deste xeito, está previsto que se entreviste o xoves 26 coa presidenta de Portos de Galicia, Susana Lenguas, e hoxe co promotor.

Agora quedan á espera do resultado destas xestións, que “agardamos sexa satisfactorio para as nosas demandas.”

Ademais, mantiveron conversas cos representantes dos grupos políticos do PSdeG-PSOE, BNG, PBBI e Suma Ribeira. De feito, os socialistas e os nacionalistas confirmaron que levarán esta cuestión ao Parlamento galego. Así mesmo, Suma Ribeira presentará unha proposición para que “o Concello se decante en contra de que se faga isto aí e que se fagan as xestións oportunas nas autoridades competentes, e con Portos en concreto, para que se reconsidere o tema da licencia que no seu día se concedeu.”

Por outra banda, xa se puxo en marcha o proceso de reactivación da asociación veciñal A Batiola co obxectivo de facer as xestións oportunas a través desta entidade, non no nome de particulares como se viña facendo. Tamén se agarda manter xuntanzas co patrón maior da confraría de Ribeira, José Antonio Pérez, e o seu homólogo na confraría de Carreira-Aguiño, José Antonio Santamaría, pero estes encontros aínda están pendentes de ser definidos.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

O Concello de Ribeira mantén unha reunión coa veciñanza de Oleiros

O equipo do Goberno municipal de Ribeira mantivo unha reunión coa veciñanza da parroquia de Oleiros co propósito de informar das actuacións que o Consistorio está a levar a cabo na parroquia e para recoller todas as inquedanzas que ten a veciñanza en diferentes eidos....

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...