20190814. O Club de Piragüismo Rías Baixas organiza a décima edición da súa festa gastronómica en Escarabote. A cita será mañá, xoves 15, no porto de Escarabote a partir das 12.00 horas. Esta actividade ten como finalidade recadar fondos para a nova tempada do club de piragüismo, o cal estima chegar aos 2.500 asistentes.
Mexillóns, paella e tapas variadas son algunhas das racións que se servirán na carpa instalada no peirao. Ademais, ás 14.00 horas, procederase a un sorteo presencial de dous premios de 100 euros en metálico.
