A semana pasada o Concello de Ribeira achegou novos detalles sobre as obras do módulo de deportes de contacto. Foi durante unha visita (efectuada na compaña do concelleiro de Deportes, Xabier Vidal), ao edificio en construción do adestrador internacional e membro do Comité da Federación Mundial de TKD, o serbio Dragan Jovic acompañado polo preparador físico Nebojsa Sakic, o director do Club Natural Sport Juan Luis Martínez e un dos adestradores, Pablo Carou.
A obra, co-financiada pola Secretaría Xeral para o Deporte, ten un orzamento de 2.274.000 euros, dos cales 800.000 sufraga o Concello de Ribeira.
Xabier Vidal lembrou que o inmóbel albergará unha zona de adestramento cuberta cun módulo cunha pista de cinco rúas; zona de saltos e lanzamentos; espazos para ximnasio; sala de musculación e actividades de tecnificación para a práctica do taekwondo; ademais de vestiarios, aseos e duchas
