O PP presenta na provincia da Coruña unha lista encabezada por Diego Calvo e que renova os seus integrantes en case un 60%

15 Xaneiro 2024

Diego Calvo encabezará a lista coa que Partido Popular da provincia da Coruña concorrerá ás eleccións autonómicas que se celebrarán o próximo 18 de febreiro. Vicepresidente da Xunta de Galicia e líder dos populares na provincia, Calvo será o número un dunha candidatura que renova os seus integrantes nun 59% respecto á anterior cita coas urnas galegas.

En concreto, os populares presentan 17 caras novas nunha lista composta por 29 persoas -25 titulares e 4 suplentes-, das que 15 son homes e 14 son mulleres, que representan todos os ámbitos e sectores da sociedade galega.

Ademais de Diego Calvo como número un e da secretaria xeral de PPdeG, Paula Prado como número dous, a lista dos populares na provincia da Coruña está composta tamén por Ánxeles Vázquez, Ethel Vázquez, Fabiola García, Miguel Corgos, María Jesús Lorenzana, Martina Aneiros e Borja Verea.

Despois de contribuír con 14 actas ao último goberno do PPdeG no ano 2020, os populares afrontan a cita do próximo 18 de febreiro “convencidas e convencidos de repetir unha cifra histórica coa que contribuír a que Alfonso Rueda alcance a súa primeira maioría absoluta como presidente da Xunta de Galicia”.

Diego Calvo definiu a lista como “un auténtico equipazo”, unha lista que “mestura a experiencia de persoas que estiveron no Goberno autonómico nos últimos anos con outras que chegan con ganas de sumar diferentes puntos de vista e que representan á maioría dos galegos”, dixo, salientando tamén que a “gran canteira” que existe dentro da militancia do Partido Popular na provincia da a Coruña, o que, na súa opinión, permitiu poder confeccionar unha lista que aglutina as diferentes singularidades que teñen os 93 concellos “Contamos na nosa lista con xente das tres grandes cidades, pero tamén de concellos tan dispares como As Pontes, Ribeira, Padrón, Cee, Carballo ou Betanzos, que permiten ter unha visión ampla de todo o que sucede na provincia”, dixo Calvo.

Outros artigos

Publicidade

Revista en papel

Opinión

“Un jarro de agua fría” – Manuel Domínguez

“Un jarro de agua fría” – Manuel Domínguez

La pregunta me cayó como un jarro de agua fría. ¿Mamá tú también te vas a morir? El abuelito, para él era dios, era todo, era su mejor juguete, le adoraba, pero un día el abuelo marchó, ya nunca más jugarían juntos. La pérdida era dolorosa, y si perdiese a su mama,...

“Pasaba por aquí, da man de Tanxugueiras” – Antón Luaces

“Pasaba por aquí, da man de Tanxugueiras” – Antón Luaces

Hei confesar -e confeso- que o canto do grupo galego Tanxugueiras ten para min, que gozo coas boas voces no eido musical, un atractivo moi especial. Particularmente a canción titulada "Pasaba por aquí", interpretada en castelán, que non é propia delas senón de Luis...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.