A Área de Cultura e Deportes do Concello de Porto do Son compartiu a axenda de actividades para este Nadal, un completo programa de propostas para públicos de todas as idades (aínda que reivindicando o lecer da rapazada) e que destaca novamente por poñer o foco na creatividade e na descentralización (haberá actividades en todas as parroquias, por exemplo coas visitas de Papá Noel e dos Reis Magos).
Damos conta da axenda do Concello e das entidades e asociacións sonenses, punto por punto, facendo constar unicamente as actividades pendentes:
-16 de decembro. SinSon Escolares+Inclusiva (praza do Curro de Portosín, de 17.00 a 19.00 horas) e Feira do Corredor (Casa da Cultura de Portosín ás 19.30h).
-17 de decembro. Carreira SinSon10K. De Portosín a Porto do Son dende as 11h.
-17 de decembro. Gala Solidaria da Asociación Sartaxas de Xuño (na Casa da Cultura de Xuño ás 16.30 horas).
-17 de decembro. Teatro infantil: Estrafalaria. Na Casa da Cultura de Portosín ás 17.30h.
-22 de decembro. Recital de piano na Escola de Música. Casa da Cultura de Porto do Son ás 19h.
-23 de decembro. Papá Noel percorre Porto do Son. De San Pedro a Miñortos dende as 10.00 horas. No Club Náutico de Porto do Son en horario de 19.30 a 21.00 horas.
-23 de decembro. Recital do Coro da Escola de Música. Na praza de España de Porto do Son ás 18.30 horas e no Club Náutico ás 19.30.
-26, 27 e 28 de decembro, e 2, 3 e 4 de xaneiro. Obradoiros de Nadal. Nas Casas da Cultura de Porto do Son, Portosín e Xuño, de 17.00 a 19.00 horas. Inscricións na Casa da Cultura do Son do 18 ao 22 de decembro, de 8.00 a 14.00 horas.
-30 de decembro. Concerto de Nadal de BMT Suevia. Na Casa da Cultura de Porto do Son ás 19.30h.
-30 de decembro. Inchábeis. Pavillón de Santa Irene de Porto do Son, de 16.30 a 20.30 horas.
-5 de xaneiro. Os Reis Magos visitan Porto do Son. De Miñortos a San Pedro dende as 10.00 horas. Cabalgata polo termo municipal coa ruada O Cascanoces dende as 18.15 horas.
-7 de xaneiro. Concerto de Reis de A Misela. Na Casa da Cultura de Xuño ás 19.00 horas.
