O Concello de Noia, en colaboración con Protección Civil e Cruz Vermella local, organiza este mes de maio unha nova edición da peregrinación de Santa Rita. Celebrarase o 21 de maio con saída da paza do Concello ás 23.00 horas.
Segundo informou o Concello, as persoas participantes estarán asistidas por ambulancia, que as acompañará durante todo o percorrido.
Despois da misa ás 8.00 horas, haberá autobuses, para a volta, que sairán ás 9.00 horas. As persoas interesadas poderán recoller os tíckets para o autobús no primeiro andar do Concello, ata o xoves 19 ás 14h.
A andaina consiste nunha peregrinaxe nocturna a Santiago, coa meta na igrexa de San Agostiño, que acubilla a capela de Santa Rita. Novamente o obxectivo será reivindicar a tradición nocturna desta marcha ao tempo que se visualiza o carácter referencial de Noia como vila xacobea.
