Un acto o que asistiron os candidatos populares da comarca de O Barbanza, marca o inicio da precampaña para as eleccións municipais de maio, coa presentación dos seus candidatos aos 313 concellos ante máis de 4.000 persoas no Multiúsos do Sar, en Santiago.
No mesmo escenario no que hai un ano anunciaba a súa candidatura a presidir o PP, Alberto Núñez Feijóo dixo que ve o seu partido máis ilusionado ca nunca e preparado para volver gañar as eleccións.
“Creo que acertamos, que temos un presidente de Galicia para moitos anos, que é o que Galicia necesita, ter cousas que duren”.
Modelo que contrapón ao do Goberno. Acusou a Pedro Sánchez de estar en campaña permanente con decorado e figurantes. Afirmou que España “ten un Goberno de colisión e non de coalición, que é noticia polas leas” e defendeu que Sánchez crea problemas por non escoitar os que saben.
“Sánchez xestionou a pandemia sen escoitar os médicos, presume de feminismo, sen escoitar as feministas, fai leis sen escoitar os xuristas e ultimamente fai trens sen escoitar os enxeñeiros”.
Feijóo dixo que “Galicia non sería o que é sen este PPdeG” e repasou a súa carreira como presidente da Xunta para vaticinar un cambio político en España.
