O Concello de Ribeira informa de que con motivo das obras de dotación de plataforma única
na rúa Rosalía de Castro (tramo Marcial del Adalid – rotonda da Serea) a partir deste luns será preciso cortar á circulación a zona afectada coa fin de proceder ao fresado da calzada e posterior pavimentación con formigón.
As previsións apuntan a que estes labores teñan unha duración de tres semanas. Entrementres, os condutores que precisen dirixirse ao entorno da praza do Concello poden facelo ou ben a través da rúa
Alcalde Fernández Bermúdez ou ben a través de Marcial del Adalid, previo paso por Cristóbal Colón.
Por outra parte, cómpre informar de que no transcurso da semana que vén tamén está prevista a renovación da pavimentación das rúas Canarias, Mariño de Rivera e Galicia (tramo non peonil), razón pola
cal a circulación polas mesmas sufrirá interrupcións temporais na medida en que así o demande a realización dos traballos.
