O Concello de Porto do Son enfiou a recta final de xaneiro ano despregando novos esforzos e recursos para a mellora de infraestruturas, accesos e servizos, poñendo o foco en fortalecer a seguridade de estradas, camiños e beirarrúas e tamén na accesibilidade e a comodidade dos usuarios.
A longo desta segunda metade do mes actuouse nas parroquias de San Pedro (co acondicionamento de camiños e beirarrúas nos núcleos de Basoñas e Santa Clara de Novás), Nebra (coa limpeza de regos e cunetas en Calo, A Pedra do Lobo, A Belga e Terrona) en Xuño (con traballos de mellora e limpeza nos camiños, na contorna do parque infantil, da igrexa e o cemiterio e da fonte e o lavadoiro, entre outras zonas).
Acondicionamento de camiños e beirarrúas en San Pedro, nos núcleos de Basoñas e Santa Clara de Novás.
Limpeza de cunetas en Nebra, nos núcleos de Calo, A Pedra do Lobo, A Belga e A Terrona.
Acondicionamento de camiños en diferentes recantos da parroquia de Xuño.
