O alcalde ribeirense, Manuel Ruiz, reuniu á familia do PP para despedir o 2022 e dar a benvida a un 2023 que será clave porque Ribeira «necesita a maioría absoluta».
O rexedor fixo balance da xestión realizada este ano cun claro obxectivo: mobilizar ao seu electorado para a cita coas urnas do próximo mes de maio. A meta é recuperar para os populares unha maioría absoluta que «Ribeira necesita».
O presidente do PP ribeirense, que estivo arroupado, entre outros, polo secretario provincial dos conservadores, Evaristo Ben, e por Rosa Quintana, sinalou o complicado que resulta resumir todo un ano, pero fíxoo de maneira concisa ao dicir: «As grandes necesidades globais e retos do concello están todos solucionados, solucionándose ou en marcha».
Fronte aos que lle acusan de «ir a salto de malta», citou os diversos documentos de planificación cos que conta o Concello, e engadiu que todos eles levaron a cabo en procesos participativos.
