O Concello de Rianxo é beneficiario dunha subvención da Consellería de Emprego, Comercio e Emigración, por importe de 546.552 euros, para o desenvolvemento dun obradoiro dual de emprego: o Obradoiro Dual de Emprego Paio Gómez Charino.
O programa laboral permitirá formar a un total de 20 persoas desempregadas nas especialidades de pavimentos e albanelería de urbanización. A parte práctica do obradoiro levarase a cabo no centro histórico rianxeiro.
En vindeiras datas aprobaranse as bases de selección e publicaranse as diferentes convocatorias, tanto do persoal docente como do alumnado.
Temos boa parte da información publicada xa na web municipal.
O proceso de selección farase a través da Oficina de Emprego de Boiro, co cal é necesario que as persoas candidatas estean desempregadas, inscritas como demandante de emprego na oficina de emprego de Boiro e ter comunicado na Oficina de Emprego de Boiro o interese na participación en obradoiros de emprego. O alumnado recibirá formación no ámbito dos pavimentos de albanelería de urbanización.
