Segundo informa o PBBI traballadores e usuarios do centro de saúde de Palmeira manifestan a súa intranquilidade ante as filtracións e deficiencias estruturais do devandito edificio público.
Segundo a formación política teñen constancia de que a situación é precaria e inestable no centro de saúde de Palmeira e tamén no de Corrubedo, que segundo esta formación se atopan esquecidos como o amosan, din, as continuas manifestacións da cidadanía para lograr ter un profesional sanitario a tempo completo en cada unha das parroquias.
Como se pode apreciar nas imaxes proporcionadas, o edificio ten gretas, humidades, mofo e filtracións . Unha situación perigosa e daniña para a saúde de todos os veciños de Palmeira que visitan ese ambulatorio a diario.
Isto, din, sumanse ás filtracións e pingueiras dentro das consultas, onde se recorren a caldeiros para
recoller a auga, forma o caldo de cultivo perfecto para que unha persoa sa se vaia do ambulatorio lesionada por unha caída ou mesmo con outros problemas de maior calado como os mencionados anteriormente.
En virtude dilo o grupo municipal do Partido Barbanza Independente (PBBI) insta o pleno da corporación municipal de Ribeira á adopción dos seguintes acordos: que acabe coas filtracións e pingueiras que existen no centro de saúde de Palmeira e que dificultan o traballo dos profesionais sanitarios, ademais de ser un perigo para os usuarios.
Que o Concello realice traballos de acondicionamento e renovación do exterior do ambulatorio de Palmeira, xa que debido ás humidades a pintura está escarchada e deteriorada e que se renoven os materiais danados polas filtracións para mellorar a estética e salubridade do edificio.
