O Concello de Porto do Son pon en marcha este luns 3 de outubro as actividades de dinamización, lecer, formación e conciliación da Ludoteca Municipal. A axenda desenvolverase en horario de 16.30 a 19.30 horas, e estará dirixida a dous grupos de idade: nenas e nenos de entre 6 e 12 anos (os luns, martes e mércores) e nenas e nenos de 3 a 5 anos (xoves ou venres).
O prazo de inscrición ábrese este mércores 28 de setembro ata completar prazas en cada grupo
establecido.
As prazas serán outorgadas por orde de inscrición. Máis información nos teléfonos 981767589 – 698197909 ou na conta de correo omix@portodoson.gal.
