A Casa da Cultura de Porto do Son acolle este xoves 27 de xaneiro ás 17.30 horas unha charla destinada a dotar á cidadanía de recursos que lles permitan identificar e protexerse diferentes tentativas de roubos. A sesión Prevención de roubos, timos e estafas vén da man de Cruz Vermella Noia e será impartida por axentes da Garda Civil. Está especialmente dirixida ás persoas maiores do concello e da contorna. Para máis información cómpre escribir un correo a mabemo@cruzroja.es ou facer unha chamada aos teléfonos 981 825 405 · 981 867 412 (de 10:00h a 12:00h). Na charla, que é de balde, colabora o Concello de Porto do Son.
