O Concello de Boiro organiza unha serie de sorteos para fomentar a cultura local, a historia, o turismo, o deporte, o comercio e a elaboración de produtos locais. Isto levarase a cabo a través do Facebook e Instagram de Boiro Turismo.
Nesta primeira quenda, os sorteos estarán formados por pezas de artesanía local para a súa promoción, para o que se conta coa colaboración de Artesanía de Galicia. Facendo un repaso, en Boiro hai catro obradoiros adheridos á marca Artesanía de Galicia. Polo tanto, vaise facer un sorteo para cada un deles. O primeiro premio será un xogo de botellas decorativas de vidro reciclado de Tejeluz, mentres que outro dos premios será unha boneca de Wooding. Tamén sortearase un arranxo de guitarra ou baixo de Guitarras Vieites e un sancosmeiro de José Luis García Pérez.
En xeral, poderán participar todas as persoas físicas, maiores de 18 anos, que sexan seguidoras das páxinas Turismo de Boiro e Artesanía de Galicia, ademais das dos artesáns locais que sortean os produtos. As bases de participación están a disposición dos interesados na web municipal.
