O noso comercio está a poñer en marcha actividades para revitalizar o sector, estreitar vencellos coa cidadanía e, tamén, recompensar a fidelidade dos cidadáns durante os tempos máis críticos da pandemia. Un exemplo disto é a terceira edición da Feira Outlet de Portosín, que se celebra esta finde, os días 13 e 14 de marzo, impulsada pola AEP (Asociación de Empresarios de Portosín) en colaboración co Concello de Porto do Son e o Programa Azul de Portosín.
A terceira convocatoria do evento vén co obxectivo de “dar vida ao comercio local”, en palabras da organización, ao tempo que se garanten as máis estritas medidas de seguridade sanitaria e póñense en xogo importantes descontos nos locais participantes (de até o 70%) para clientes locais e visitantes.
A mesmo tempo, recompensarase o apoio da cidadanía ao comercio local e de proximidade con premios relacionados cos locais de hostalería integrados na AEP. A feira terá representación dos seguintes sectores: mercería, moda, zapatería, peiteados, lencería, manualidades, personalización, menaxe e fogar. A maiores, haberá un gran premio para quen faga compras na feira: unha gran cesta con produtos locais dos participantes. O horario é de 10.00 a 13.30 horas e de 16.30 a 20.30 horas.
