O Concello de Porto do Son celebrou o Día Internacional da Eliminación da Violencia de Xénero dende a primeira hora da mañá de onte. Esta vez non puido facerse a camiñada pola igualdade coma sucedeu noutros anos, pero colocáronse dous postos informativos para a prevención da violencia de xénero, un no IES Porto do Son e outro na praza de España da localidade.
Aos visitantes agasallóuselles con máscaras nas que aparecía escrito o lema: “O que rexe o meu destino é a igualdade”. Outra das actividades que se levou a cabo no día de onte foi a publicación de manifestos e a realización de obradoiros de Radio e Baile para aqueles nenos e nenas que asistiran á ludoteca municipal. Tamén impartíronse actividades lúdicas de Igualdade on – line sobre Monicreques e contacontos.
Todos os actos tiñan como obxectivo loitar contra a Violencia de Xénero. En definitiva, intentar conseguir un mundo mellor e máis igualitario.
