Un forte temporal de vento acompañado de choiva azoutou a comarca esta madrugada ocasionando derrubes de árbores. A zona mais afectada foi o concello de Lousame onde se rexistrou a ráfaga máis forte cara as cinco da madrugada con cáseque 78 quilómetros/ hora. Tamén na estación de Meteogalicia na Muralla rexistrouse a maior precipitación con preto de 86 litros/m2.
O temporal obrigou a actuar na noite á dotacións de bombeiros do Consorcio Provincial Contraincendios e Salvamento da Coruña que ten a súa base en Boiro. Así en Rianxo retiraron unha árbore que caeu sobre a estrada no lugar de Ourille ao redor da medianoite. Horas antes tamén tiveron que desprazarse ata a zona de Confurco, na localidade de Lousame, polo mesmo motivo. En ningún dos casos lamentaronse danos.
