O Concello de Porto do Son comezou esta semana as obras de remodelado do segundo andar da Casa Consistorial, co fin de poñer a punto as instalacións e acubillar, en datas vindeiras, as dependencias de Servizos Sociais.
Os traballos veñen cunha contía de 60.000 euros e abranguen a reforma integral das oficinas onde até datas recentes tiñan a súa sede de operacións os axentes da Garda Civil. O espazo resultante contará cunha sala de reunións e cinco dependencias de traballo. O obxectivo do Goberno local é estender as obras de remodelación ao primeiro andar do edificio, en datas vindeiras, co fin de dar acubillo a unhas novas oficinas de atención e servizo para a veciñanza.
