O humorista e deportista galego David Amor estará o 3 de outubro en Porto do Son para presentar o seu espectáculo Love is in the air. A cita, que terá o aforamento limitado, será na Casa da Cultura ás 20.30 horas e as entradas poranse á venda este 22 de setembro no mesmo emprazamento.
O espectáculo, que forma parte do programa Cultura No Camiño, consiste nunha serie de divertidos monólogos para público adulto, no que o humorista de Salceda de Caselas fala das súas novas inquietudes sen deixar de lado unha das súas últimas paixóns, os aeroportos.
Tera unha duración de 80 minutos e preséntase como unha oportunidade para, en palabras do propio David Amor, “coñecer ao detalle toda a grella televisiva sen tocar o noso mando, amais de descubrir o porqué de que a xente pase sede nun aeroporto ou o porqué de que o humorista nunca poida ser Rafa Nadal”.
