A Asociación Cultural Setefoghas de Rianxo celebrará o vindeiro domingo 24 de maio de 2026 a botadura da dorna Fasquía, un acto que terá lugar Rampla Vella de Rianxo a partir das 12 horas da mañá. A xornada promete “converterse nun encontro de celebración da cultura maríñeira e das embarcacións tradicionais galegas”, informou a asociación, engadindo que “trala botadura as persoas asistentes poderán gozar dunha navegación pola ría de Arousa a bordo de distintas embarcacións, entre as que destacan exemplares de embarcacións tradicionais tipo sovio, así como a buceta pertencente ao Concello de Rianxo, cedida á asociación”.
Tamén está prevista a participación de embarcacións doutras asociacións da comarca e do club de remo de Rianxo, o que dará un carácter festivo e colectivo ao evento.
O programa da xornada completarase coa actuación do grupo musical Ten Quirisio e un momento de peche para os socios con petiscos, “nun ambiente de confraternidade e amor polo patrimonio mariñeiro, haberá algunha sorpresiña máis”, engadiron dende Setefoghas.
Data: Domingo, 24 de maio de 2026
Hora: 12:00 horas
Lugar: Rampla Vella de Rianxo
Embarcación: Dorna Fasquía
Organizador: Asociación Setefoghas de Rianxo
A asociación
Setefoghas é unha asociación cultural de Rianxo comprometida coa recuperación e difusión do patrimonio mariñeiro e cultural galego. Entre as súas actividades destacan “a navegación en embarcacións tradicionais, a promoción da lingua e cultura galegas e a organización de eventos de ámbito local e comarcal”.
