Este 22 de febreiro celebrouse no concello de Porto do Son a edición 2026 do Xtosín Trail, unha das grandes probas deportivas da tempada no concello e no Barbanza. Achegou tres modalidades: o Trail de 21K, o Trail de 15K e máis a Andaina de 15K. Foi, en palabras da organización, unha xornada de praias e bosques, mar e monte, sendeiros e camiños. A proba foi organizada por Arousa Neo, Sachacamiños e o Concello de Porto do Son.
Foi a segunda e última parada do Circuíto Trail Series impulsado por Arousa Neo. Participaron máis de 200 persoas. Impuxéronse Carlos Lorenzo, vendedor do trail longo en Portosín e do Trail Series, e Yeray Lorenzo no itinerario curto en Porto do Son e tamén da xeral.
No Facebook de Arousa Neo podemos ver un completo álbum das e dos deportistas participantes.
Para quen non o saiba o trail (ou trail running) é un deporte que consiste en correr por carreiros de montaña, pegadas, rastros ou camiños secundarios, a través de montañas, cerros e montes, cruzando arroios e ríos, con grandes subidas e abruptas baixadas, a diferenza do que ocorre nos maratóns e o sendeirismo.
