Este mércores 7 de xaneiro a concelleira de Educación e Conciliación de Noia, Ana Blanco, realizou unha visita ás actividades encadradas na nova edición do Concilia de Nadal, onde compartiu a mañá cos nenos e nenas do campamento durante a festa de remate do mesmo, na cal uniuse ás fileiras de monitoras e monitores para participar nos obradoiros de pintacaras.
A concelleira de Educación e Conciliación destacou que “estivo moi contenta de poder acompañar aos nenos e nenas esta mañá”, poñendo énfase na “necesidade de seguir mellorando todos os servizos municipais, tamén en materia de conciliación.”
Durante a visita estivo acompañada pola concelleira de Deportes e Servizos Sociais, Sandra González, quen agradeceu ao IES Campo de San Alberto pola cesión dos espazos.
O Concello de Noia puxo en marcha o programa Concilia de Nadal para facilitar a conciliación das familias durante as vacacións escolares. As actividades leváronse a cabo entre o 22 de decembro e este 7 de xaneiro, dende as 7.45 horas (aula madruga) e de aí até primeira hora da tarde.
O programa levouse a cabo no ximnasio e aulas do IES Campo de San Alberto.
