A asociación de empresarios Noia Histórica presentou xunto co Concello a súa Campaña de Nadal para estas festas 2025-2026, dirixida a impulsar, fortalecer e reivindicar o comercio local e recompensar á cidadanía que aposte polos seus comercios. Trátase dunha “campaña ambiciosa en premios e cunha programación moi especial que se vai desenvolver ata o 5 de xaneiro”, informaron dende a patronal, engadindo que as compras en Noia achegarán aos clientes rifas para o sorteo de cinco Apple Watch Serie 11.
Cómpre consultar as bases nas rifas e, tamén, as sesenta empresas participantes na campaña que darán acceso á participación neste importante sorteo. Os números premiados daranse a coñecer o vindeiro 7 de xaneiro.
Ademais, achegaranse as seguintes recompensas:
-Premio Especial de Noia Histórica de 800 € no sorteo dos décimos o 26 de decembro.
-Premio Especial de Noia Histórica de 250 € no Sabadete do @liceodenoia o 27 de decembro.
-Tren Infantil de Nadal o sábado 20, o luns 22, o martes 23 e o mércores 24.
-Belén animado en Santa María.
-Música nas rúas todos os días 🎼
Actividade subvencionada pola Xunta, a Deputación da Coruña e o Concello de Noia.
