A Academia Galega de Seguridade Pública – AGASP da Consellería de Presidencia, Xustiza e Deportes acolleu o pasado sábado unha xornada de homenaxe aos corpos galegos de Protección Civil e “o seu traballo incansábel en beneficio dos galegos e galegas”
Participaron o presidente da Xunta de Galicia, Alfonso Rueda Valenzuela, o alcalde do Concello A Estrada, Gonzalo Louzao, o conselleiro de Presidencia, Xustiza e Deportes, Diego Calvo Pouso, a conselleira de Medio Rural, María José Gómez, o subdelegado do Goberno na Coruña, Julio Abalde, o delegado da Xunta en Pontevedra, Agustín Reguera, e o director xeral de Emerxencias e Interior, Santiago Villanueva
Na cita outorgáronse 33 distintivos de permanencia aos axentes con 25 anos de traxectoria, 6 medallas de bronce e 53 placas de prata aos efectivos que participaron na xestión da DINA de Valencia.
Foron recoñecidos coa Medalla ao Mérito na categoría de prata (pola súa participación no dispositivo galego con motivo da DINA de Valencia) grupos do Barbanza: as agrupacións de voluntarios de Protección Civil de A Pobra, Boiro e Rianxo. Tamén se recoñeceu o traballo dos axentes das Polícias Locais de Pobra e Rianxo.
Protección Civil de Rianxo vén de recibir a medalla de prata polo traballo realizado polo continxente desprazado a Valencia con motivo da DANA.
O galardón rianxeiro foi recollido polo presidente da agrupación, Manuel Gómez Villanustre.
Igualmente foron distinguidos polo seu traballo en Valencia os voluntarios e voluntarias do GES de Muros e da ONG IAE. Asistiron o acto, celebrado na Estrada, Sandra Maneiro, concelleira de Seguridade Cidadá de Muros, Manuel Lago, Pedro Riveiro e Miguel Montero. Recolleu a distinción para o GES Manuel Lago García (Marulo), e a medalla para a ONG IAE recolleuna Miguel Montero Sierra.
