Galicia comezará a semana baixo a influencia das altas presións, que se estenderán en forma de cuña polo noroeste da Península. Esta situación atmosférica favorecerá unha xornada de tempo seco e estable, con ceos pouco nubrados ou despexados en xeral.
Só se agardan algunhas nubes baixas no extremo norte e néboas matinais no interior, que se irán disipando nas primeiras horas do día.
As temperaturas mínimas descenderán lixeiramente, mentres que as máximas experimentarán un pequeno ascenso, deixando un ambiente agradable durante as horas centrais.(19 a 22 graos).
O vento soprará do nordés, en xeral frouxo, aínda que con intervalos moderados nas zonas costeiras.
O noso mar: Vento do nordés á mañá e á noite e do norte á tarde, forza 2 a 4 á mañá e á noite e 1 a 3 á tarde. Marusía á mañá e á noite e mar ovellado á tarde. Visibilidade boa. Mar de fondo do noroeste, con ondas de 0.5 a 1 metros.
