O Pavillón Municipal José Manuel Abuín “Chema” acolle esta fin de semana, o domingo 7 de setembro, o XVI Torneo Internacional Concello de Rianxo: unha nova edición da festa do xadrez rianxeira que achegará máis de 2.500€ en premios e múltiples agasallos para as categorías de promoción. O torneo está incluído no XVIII Circuíto Galego de Promoción 2025, así como no XXXVI Circuíto Galego de Xadrez 2025. Ademais, volverase contar coa presenza dalgún gran mestre deste deporte. Compiten as seguintes categorías: categoría Sub-08, categoría Sub-10, categoría Sub-12 e categoría Sub-14. Quen precise máis información sobre este importante evento rianxeiro, tena na web da federación galega (FEGAXA). Nesta mesma páxina poden facer tamén as inscricións.
