C
Comeza a semana e o mes de setembro, nunha situación intermedia entre unha borrasca situada sobre Irlanda e o anticiclón das Azores. Polo tanto, teremos alternancia de nubes e claros con chuvascos máis frecuentes na metade oeste de Galicia. Na madrugada do martes 2 agardamos a chegada dunha nova fronte atlántica con precipitacións máis intensas no litoral. As temperaturas mínimas continuarán en descenso e as máximas non terán cambios. O vento soprará moderado do oeste, sendo forte do suroeste ao final do día entre Fisterra e a Mariña Oriental.
Vento do oeste á mañá e á tarde e do sudoeste á noite, forza 2 a 4 á mañá e á tarde e 3 a 5 á noite. Mar ovellado á mañá e á tarde e marusía á noite.
O noso mar: Visibilidade regular á mañá e á noite e boa á tarde. Mar de fondo do noroeste, con ondas de 3.5 a 4 metros á mañá e á tarde e 2.5 a 3.5 metros á noite.
