UFD inviste máis de 110.000 euros en obras de mellora da calidade da subministración eléctrica no municipio de Ribeira

03 Abril 2025

UFD, a distribuidora eléctrica de Naturgy, fixo balance dos seus investimentos en Ribeira destinados a mellorar o servizo de subministro eléctrico á poboación, uns investimentos que foron de máis de 110.000 euros. Nun plano máis concreto, a compañía construíu unha nova liña de media tensión subterránea de 290 metros con orixe nun apoio novo e final nun novo un centro de transformación e nova saída de baixa tensión no lugar de Viña do Río, na parroquia de Artes.

A compañía inclúe cada ano no seu plan de investimentos actuacións e iniciativas para “potenciar as infraestruturas de subministración de enerxía eléctrica” e “mellorar a rede de distribución eléctrica, especialmente en zonas rurais”, contribuíndo así “ao desenvolvemento económico destes territorios e á mellora das súas condicións de vida”.

Para o delegado de UFD na provincia da Coruña, Emilio Castro, “o investimento realizado é unha proba máis do compromiso desta compañía co desenvolvemento enerxético de Ribeira, xa que as actuacións realizadas aumentarán a capacidade da rede de distribución na zona, ademais de mellorar a fiabilidade da subministración eléctrica e minimizar os tempos de resposta ante calquera incidencia na parroquia de Artes.”

UFD, distribuidora eléctrica de Naturgy, xestiona na provincia da Coruña preto de 24.500 quilómetros de rede de baixa e media tensión, preto de 10.300 centros de transformación e dá servizo a 731.000 puntos de subministración. En Galicia, dá servizo a case 1,6 millóns de puntos de subministración en 286 municipios das catro provincias galegas, a través dunha rede de máis de 61.000 quilómetros de liñas de alta, media e baixa tensión.

A distribuidora eléctrica investiu 206 millóns en 2024 na dixitalización e mellora da súa rede e infraestruturas en Galicia. Só nos últimos cinco anos, o investimento de UFD alcanzou os 800 millóns de euros para reforzar as súas infraestruturas en Galicia, co foco posto na mellora da calidade de servizo aos seus clientes.

A empresa explicou que estes investimentos centráronse en innovación e aplicación de novas tecnoloxías para avanzar na telemedida e telexestión dos puntos de subministración, no telecontrol e sensórica das redes, así como no robustecemento das infraestruturas, co obxectivo de integrar o incremento da xeración renovábel.

Outros artigos

Publicidade

Revista en papel

Opinión

“Un jarro de agua fría” – Manuel Domínguez

“Un jarro de agua fría” – Manuel Domínguez

La pregunta me cayó como un jarro de agua fría. ¿Mamá tú también te vas a morir? El abuelito, para él era dios, era todo, era su mejor juguete, le adoraba, pero un día el abuelo marchó, ya nunca más jugarían juntos. La pérdida era dolorosa, y si perdiese a su mama,...

“Pasaba por aquí, da man de Tanxugueiras” – Antón Luaces

“Pasaba por aquí, da man de Tanxugueiras” – Antón Luaces

Hei confesar -e confeso- que o canto do grupo galego Tanxugueiras ten para min, que gozo coas boas voces no eido musical, un atractivo moi especial. Particularmente a canción titulada "Pasaba por aquí", interpretada en castelán, que non é propia delas senón de Luis...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.