Un home perdeu a vida tras ser rescatado inconsciente do mar na area carnotá de Boca do Río

19 Agosto 2024

Foi rescatado por persoas particulares empregando unha táboa de surf. Unha vez fóra da auga, os servizos sanitarios só puideron confirmar o seu falecemento malia os esforzos por reanimalo.

Contra as 18:20 horas, varios alertadores contactaron co 112 Galicia para informar de que había un home con dificultades para saír do mar e que parecía que estaba sendo arrastrado pola corrente.

De inmediato, desde o CIAE-112 Galicia solicitouse a acción de Urxencias Sanitarias de Galicia-061, Salvamento Marítimo, dos axentes da Garda Civil e da Policía Local de Carnota e do GES de Muros. Tamén se informou ao Servizo de Gardacostas de Galicia e aos voluntarios de Protección Civil do municipio.

A continuación, Salvamento Marítimo indicou que mobilizaba ao seu persoal a bordo dun helicóptero de rescate Helimer, que finalmente non chegou a intervir, mentres que os servizos sanitarios desprazarían o helicóptero medicalizado con base en Santiago, que tomou terra na praia, así coma unha ambulancia.

Ao mesmo tempo, varios particulares que se atopaban no lugar metéronse na auga cunha táboa de surf para tratar de axudar ao home, conseguindo sacalo fóra pouco despois. Tal e como relataban os alertadores nas súas chamadas, o implicado permanecía inconsciente.

Malia os esforzos por reanimalo, finalmente o persoal sanitario só puido confirmar o falecemento do home.

Outros artigos

Publicidade

Revista en papel

Opinión

“Un jarro de agua fría” – Manuel Domínguez

“Un jarro de agua fría” – Manuel Domínguez

La pregunta me cayó como un jarro de agua fría. ¿Mamá tú también te vas a morir? El abuelito, para él era dios, era todo, era su mejor juguete, le adoraba, pero un día el abuelo marchó, ya nunca más jugarían juntos. La pérdida era dolorosa, y si perdiese a su mama,...

“Pasaba por aquí, da man de Tanxugueiras” – Antón Luaces

“Pasaba por aquí, da man de Tanxugueiras” – Antón Luaces

Hei confesar -e confeso- que o canto do grupo galego Tanxugueiras ten para min, que gozo coas boas voces no eido musical, un atractivo moi especial. Particularmente a canción titulada "Pasaba por aquí", interpretada en castelán, que non é propia delas senón de Luis...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.