Os Clubs de Lectura do CEIPP Santa María do Castro (Cabo de Cruz) remataron cunha gran festa de irmandade literaria

03 Xuño 2024

Na última semana de maio os Clubs de Lectura do CEIPP Santa María do Castro (Cabo de Cruz, Boiro) puxeron o broche final ao curso escolar cunha actividade conxunta na que participaron a maioría dos integrantes dos 4 clubs literarios do colexio (de narrativa, de cómic, de inglés e de familias). O venres 31 pola tarde xuntáronse un total de 35 rapaces e rapazas e 10 persoas adultas para convivir durante unhas horas no centro, nun ambiente e cun formato de traballo que foi, en palabras do profesorado do CEIPP, “coma unha desas aventuras que aparecen nos libros que as e os participantes estiveron lendo durante todo o curso”.

Todas e todos chegaron a media tarde para comezar compartindo un momento cinematográfico (con flocos de millo incluídos). Ao rematar chegou o momento da cea e a biblioteca pasou de ser un salón de cinema a converterse en restaurante. Segundo a organización desta “gala final”, un dos momentos que máis gozou a rapazada foi o do xogo libre despois de cear; poder xogar ao “pilla-pilla” polo patio do cole, ás agachadas ou ao fútbol mentres anoitecía.

Rematado o tempo de xogo os máis pequenos e as súas familias retiráronse a durmir, mentres que os maiores participaron dunha velada na que se conversou sobre o vivido nos Clubs de Lectura durante todo o ano e sobre a experiencia que estaban a vivir ese día.

Pasada a medianoite chegou o momento de irse a durmir. Toda a rapazada compartiu espazo na aula de psicomotricidade.

Así nos conta o profesorado como transcorreu o resto da experiencia: “A pesar dos nervios pola experiencia e desas ganas de conversar con eses amigos cos que nunca tiveran a oportunidade de compartir unha experiencia parecida, lograron pechar os ollos e descansar durante algunhas horas; e antes das 8 da mañá xa estaban case todos en pé para gozar do almorzo que, con moito agarimo preparou Miguel Mosteiro, da empresa GastroLab Arousa, cunha gran variedade de produtos naturais e saudábeis, seguindo o traballado no Proxecto que se desenvolveu no centro ao longo do presente curso escolar: Gastronomía sostíbel”.

Ás 10:30 deuse por rematada a actividade. Todas as persoas participantes, pequenos e maiores, marcharon moi contentos pola experiencia vivida durante esas horas. As mestras que organizaron a actividade, Sandra, Violeta, e Lucía, fóronse “moi orgullosas” de como se desenvolveu a actividade, e “convencidas” de que para o ano que ven repetirán a experiencia.

Outros artigos

Publicidade

Revista en papel

Opinión

“Un jarro de agua fría” – Manuel Domínguez

“Un jarro de agua fría” – Manuel Domínguez

La pregunta me cayó como un jarro de agua fría. ¿Mamá tú también te vas a morir? El abuelito, para él era dios, era todo, era su mejor juguete, le adoraba, pero un día el abuelo marchó, ya nunca más jugarían juntos. La pérdida era dolorosa, y si perdiese a su mama,...

“Pasaba por aquí, da man de Tanxugueiras” – Antón Luaces

“Pasaba por aquí, da man de Tanxugueiras” – Antón Luaces

Hei confesar -e confeso- que o canto do grupo galego Tanxugueiras ten para min, que gozo coas boas voces no eido musical, un atractivo moi especial. Particularmente a canción titulada "Pasaba por aquí", interpretada en castelán, que non é propia delas senón de Luis...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.