️Co comezo da primavera, a semana pasada, intensificáronse no concello de Outes os traballos impulsados polo Goberno local para a limpeza, acondicionamento e arranxos dos espazos de lecer exteriores, traballos que son levados a cabo pola brigada de obras e de servizos. O obxectivo é permitir a veciños e visitantes o máximo desfrute de praias, paseos e outras contornas de relevancia ambiental. Por exemplo o areal de Broña e a súa contorna, un dos espazos máis visitados coa chegada do bo tempo.
Segundo informou o Concello, desenvolvéronse as labores habituais de reparación de avarías, beirarrúas e mobiliario urbano.
Realizouse ademais a reparación de fochas en diversas pistas do concello que continuará nas vindeiras semanas.
