CONGALSA impulsará o afianzamento da industria intelixente no sector alimentario galego

17 Xaneiro 2020

CONGALSA, a firma de produtos do mar conxelados con sede na Pobra do Caramiñal (no Polígono da Tomada), vén de xuntar forzas co Centro Tecnolóxico Gradiant, referente en desenvolvemento avanzado de solucións dixitais con sede en Vigo, para impulsar unha iniciativa que introducirá á empresa alimentaria na vangarda das tecnoloxías intelixentes, sustentábeis, eficaces e automatizadas. Falamos do proxecto CONGALS4.0, unha iniciativa baseada en tecnoloxías de análise de datos, ciberseguridade, Internet das Cousas (IoT polas súas siglas en inglés) e videoanalítica. A finalidade última: implantar un modelo de fábrica intelixente no sector alimentario galego.

Cun investimento de 4,8 millóns de euros, o proxecto CONGALS4.0 está co-financiado pola Consellería de Economía, Emprego e Industria e a Axencia Galega de Innovación (a través da 2ª edición do programa Industrias do Futuro 4.0 – Fábrica Intelixente 2019), e conta co apoio do Fondo Europeo de Desenvolvemento Rexional (FEDER) no marco do Programa Operativo FEDER Galicia 2014-2020.

Segundo informa a empresa con sede na Pobra, o reto de avanzar en transformación dixital e no modelo da industria conectada é un desafío que vén de antigo no seo de CONGALSA: “Unha prioridade no noso proxecto de desenvolvemento sustentábel que se materializaría no liderado da Industria 4.0 no sector alimentario galego”. Para isto, engade a empresa, “é necesario reorientar a organización cara a un modelo de fábrica intelixente, que permita dar unha resposta máis rápida ás necesidades dun mundo en constante cambio”. Os ingredientes para acadar estes obxectivos serían os seguintes: innovación e desenvolvemento tecnolóxico (dous ingredientes polos que xa ten apostado CONGALSA), aos que cómpre engadir un terceiro elemento, a dixitalización.

“En xeral”, explica a firma da Pobra, “o obxectivo é desenvolver unha fábrica con máis flexibilidade, máis automatizada, social, colaborativa, conectada e intelixente, que responda de maneira áxil e mesmo permita anticiparse á demanda do mercado con criterios de sustentabilidade, transparencia e personalización”.

Outros artigos

Publicidade

Revista en papel

Opinión

“Emerxencia habitacional” – José Manuel Pena

“Emerxencia habitacional” – José Manuel Pena

O Goberno Vasco vén de mercar ao fondo de investimento Blackstone unhas 510 vivendas con destino a alugueiros sociais para familias vulnerables. Estas noticias son as que realmente contribúen ao cumprimento do Dereito á Vivenda, recollido no artigo 47 da Constitución...

“E veu. Daqueles pos, estas lamas” – Antón Luaces

“E veu. Daqueles pos, estas lamas” – Antón Luaces

O Sur de Europa, todo está no Sur: España foi a primeira, Francia a segunda e Italia a terceira. E todo parte dunhas protestas cidadáns que se xustifican nos baixos salarios laborais, nos altos/altísimos prezos do alugueiros das vivendas e a inseguridade ou...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.