Durante as primeiras horas da mañá predominarán os ceos con abundante presenza de nubes tanto na capital galega como na franxa costeira. Con todo, a situación experimentará unha clara melloría a partir do mediodía: a nubosidade irá retirándose e abriranse grandes claros ao longo da tarde, permitindo que o sol sexa o protagonista na segunda metade do día sen risco de choivas.
No tocante ás temperaturas, as mínimas manteranse con poucos cambios nas Rías Baixas e tenderán a un lixeiro descenso nas zonas de interior da comarca compostelá, mentres que as máximas rexistrarán un ascenso de lixeiro a moderado que deixará un ambiente moi agradable pola tarde (máximas de 25 graos). Os ventos soprarán frouxos de compoñente leste-nordés durante a mañá, rolando a noroeste cara á tarde.
Vento variable á mañá, do noroeste á tarde e do norte á noite, forza 2 a 3 á mañá, 3 a 4 á tarde e 2 a 4 á noite. Mar ovellado á mañá e á noite e marusía á tarde. Visibilidade boa. Mar de fondo do noroeste, con ondas de 1 a 1.5 metros á mañá e 0.5 a 1 metros á tarde e á noite.
