A Alameda de Santiago vístese de Valle-Inclán: a Fundación Granell rende homenaxe ao escritor cunha bufanda vermella

12 Marzo 2026

A Fundación Eugenio Granell celebrará este venres 13 de marzo, ás 13.00 horas, un acto simbólico na Alameda de Santiago de Compostela para colocar unha bufanda vermella na escultura de Ramón María del Valle-Inclán. A iniciativa, organizada pola entidade compostelá coa colaboración do Museo Valle-Inclán da Pobra do Caramiñal, busca reforzar o vínculo entre o escritor e a cidade, asumida como un dos escenarios centrais do seu imaxinario literario.

O xesto inspírase na tradicional colocación dunha bufanda branca na estatua de Valle-Inclán no paseo de Recoletos, en Madrid, coincidindo co día do teatro. Neste caso, porén, a acción pretende conmemorar o regreso real e simbólico do autor a Compostela e a Galicia, a súa terra de orixe, e poñer en valor a pegada valle-inclaniana na capital galega.

A Fundación Eugenio Granell subliña que o seu compromiso coa creación non se limita ás artes plásticas nin queda restrito ao surrealismo, corrente á que pertenceu o propio Granell. A promoción da literatura e o apoio a iniciativas que conectan diferentes linguaxes artísticas forman parte dos seus obxectivos, polo que este acto se entende como unha extensión natural do seu labor cultural.

Para levar adiante esta acción cívico-cultural, a Fundación conta co apoio do Museo Valle-Inclán e do Foro Galicia e Valle-Inclán, entidades coas que comparte o interese en salientar Compostela como vila valle-inclaniana. Ao tempo, queren subliñar a relación entre o surrealismo e o esperpento, dúas miradas artísticas que nacen do empeño por reinterpretar a realidade contemporánea a través da obra dos nosos creadores.

Outros artigos

“Pasaba por aquí, da man de Tanxugueiras” – Antón Luaces

Hei confesar -e confeso- que o canto do grupo galego Tanxugueiras ten para min, que gozo coas boas voces no eido musical, un atractivo moi especial. Particularmente a canción titulada "Pasaba por aquí", interpretada en castelán, que non é propia delas senón de Luis...

+

Publicidade

Revista en papel

Opinión

“Un jarro de agua fría” – Manuel Domínguez

“Un jarro de agua fría” – Manuel Domínguez

La pregunta me cayó como un jarro de agua fría. ¿Mamá tú también te vas a morir? El abuelito, para él era dios, era todo, era su mejor juguete, le adoraba, pero un día el abuelo marchó, ya nunca más jugarían juntos. La pérdida era dolorosa, y si perdiese a su mama,...

“La gente”. Mario Clavell

“La gente”. Mario Clavell

En mis tertulias oigo generalizaciones tales ‘la gente escapa de Compostela’ o ‘la gente está hasta el gorro de Pedro Sánchez’ …  ¿Quién es la gente’?, ¿la sociedad?, ¿la nación?, ¿toda la nación?, ¿la colectividad, la humanidad? ‘La gente’ es demasiada gente y...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.