Xa está operativa, dende o pasado 28 de novembro, a pista de xeo do porto de Ribeira habilitada pola Asociación de Empresarios co obxectivo de mellorar a oferta de lecer para veciños e visitantes ao mesmo se tempo que se dinamizan as visitas e as compras aos establecementos locais. “A pista”, sinalou a patronal, “é tamén un espazo de diversión para todas as idades durante a tempada do Nadal e, un ano máis, un punto de encontro para veciños e visitantes, apoiando o comercio local”.
Trátase dunha iniciativa co-financiada pola Xunta de Galicia, a Deputación da Coruña e o Concello de Ribeira, co apoio decisivo do Grupo Fercosti (que xestiona a pista), a Unión Pastoral de Ribeira e o Space Park.
O ano pasado, dada a boa acollida que tivo a pista entre a veciñanza do concello e da comarca, decidiuse ampliar a duración da mesma ata o 19 de xaneiro.
Entre as novidades desta edición salientan a posta en marcha de paquetes para nenos das parroquias de Ribeira concellos lindeiros, que poderán gozar tamén da pista de xeo e máis do centro de lecer do Polígono de Xarás (Space Park).
Este ano colabora coa iniciativa o Concello de Porto do Son.
