Entre as actividades impulsadas polo Concello de Noia para celebrar o remate de ano inclúese, na tarde deste 31 de decembro, a nova edición da carreira solidaria de San Silvestre, que se celebra a partir das 17.00 horas. As inscricións están abertas e aínda poden facerse a través do documento en liña habilitado. Tamén se poden levar a cabo enviando nome completo da persoa interesada, teléfono de contacto e DNI ao correo electrónico a comunicacion.concellodenoia@gmail.com. Trátase dun evento solidario, con recollida de produtos básicos de alimentación e produtos de Nadal. Haberá chocolate con churros de balde para as persoas doantes.
A Carreira de San Silvestre é unha tradicional proba deportiva, festiva e solidaria. Está programada para o mércores 31 a partir das 17.00 horas, con saída e chegada na Alameda. O percorrido será de 3 quilómetros. Haberá recollida solidaria de produtos básicos de alimentación e produtos de Nadal. Tamén, haberá chocolate con churros de balde para todas as persoas doantes.
